Den svenske landmålarforeninga Aspect og CLGE arrangerer 22.-23. juni 2011 i samarbeid med FIG eit seminar om framtidas geodetiske referansesystem. Seminaret vert arrangert i Umeå med fokus på initiativ, trender og teknisk utvikling. Frist for å melde på foredrag – call for papers – er 31. mars.
Seminaret vil vere ei unik moglegheit til å få ei god oversikt over utviklinga i Europa såvel som ulike nasjonale løysingar på området.
Det vil verte lagt opp til presentasjonar om arbeidet med Euref, om Inspire reglane med omsyn til geodetiske referansesystem, nasjonale løysingar på området og CORS systemet og tekniske løysingar som byggjer på dette.
Deltakaravgifta er 150 Euro ved registrering før 1. mai.
Dette er også ei unik moglegheit til å oppleve svensk midtsommarfeiring. Les meir om arrangementet på www.aspect.se
Seminaret vert arrangert i Folkets hus, Idun.